صحيفة نبض الشعب الاسبوعيه رئيس التحرير جعفر الخابوري

الناس اللي مش عارفه تفهم وتقدر يعني ايه سواق نقل تقيل
احب اعرف سيادتك يعني ايه سواق نقل تقيل
سواق نقل تقيل يعني واحد بيسوق تريلا طولها بيتراوح ما بين 16الي18متر
يعني راجل بيسوق اقل مشوار ليه700كيلو رايح جاي، يعني راجل بيحمل حموله تتراوح من40 الي120طن
يعني راجل اقصي سرعه عنده وهو محمل بتتراوح ما بين 50الي70 كيلو متر في الساعه وكده بالنسباله يبقي طاير بالعربيه
يعني راجل اقل مشوار ليه بيفضل سايق ب ال10 ساعات
يعني راجل وهو محمل تقل الحموله بيخليه معندهوش فرامل يعني لازم يفرمل اقل حاجه قبل اللي قدامه ب200 متر علي ماتقف يكون وصل للي قدامه
يعني راجل بينام في الشارع كل يوم في بلد شكل
يعني راجل لو نام بينام اربع ساعات وكده يتقال عليه كمان بينام كتير
يعني راجل لو فرده كاوتش عنده اتخرمت او شيعت وهو ماشي ممكن ترقفه في قلب جبل او حته مقطوعه وهو محمل بضاعه بملايين وتعرضه للحراميه والبلطجيه وقطاع الطرق
يعني راجل لما فرده كاوتش بتتخرم مش بينزل صليبه يحل بيها لا سيادتك ده بينام تحت التريلا في التراب ويرفع بالكوريك ولما يرفع يجيب العتله ومفتاح العجل ويبقي بيتنطط علي مفتاح العجل لحد ما تحل ولو حلت مره واحده وممسكش نفسه يمكن يقع ينكسر فيها
يعني راجل بيشيل فردة كاوتش من العربيه ويركب غيرها وهي وزنها تقريبا 200 كيلو
يعني راجل مبيشوفش بيته ولا عياله بالشهر والاتنين والثلاثه بسبب شغله
يعني راجل بيحترم الطريق اوي ويعمل ميت مليون حساب للحركه اللي بيتحركها عالطريق
يعني راجل ف رجعته بضهره السنتي الواحد بيفرق معاه
يعني راجل عايش حياته كلها ما بين طرق جبليه وصحراويه وبالنسباله الاكل والشرب اصعب حاجه يلاقيها
يعني راجل تعبان وشقيان ومتمرمط عشان بضايع الناس توصل في وقتها وسيادتك يجيلك المنتج بتاعك من المصنع لحد بلدك
يعني راجل شقيان وتعبان ومتمرمط عشان يحافظ علي مال الناس
ماسالتش نفسك ده بياكل ازاي والا بيشرب منين والا بيدخل الحمام فين وهو بيسوق الوقت ده كله
ف الاخر الناس مبتفهمش ومبتقدرش سواقين النقل التقيل ويقولو عليهم دول صيع
لا وألف لا ا،حنا مش صيع سيادتك احنا ناس شقيانه عشان ناكل بالحلال احنا ناس محترمه وناس لينا وضعنا وواجب عليكم تحترمونا.
كل الاحترام لسواقين النقل التقيل الناس اللي شقيانه عشان تجيب لقمه العيش بالحلال